हजुरबा भन्नुहुन्थ्यो

 खोल्छ भनेर

बोल्न नछोड्नू नाति,

कसैले देख्छ भनेर

लेख्न नछोड्नू नाति,

हजुरबा भन्नुहुन्थ्यो सधैं:

कसैलाई घोच्छ भनेर

सोच्न नछोड्नू नाति!

सम्बन्ध

अनौठो हुन्छ

सम्बन्धको सुत्र,

माया माग्दा

सम्मान पाइन्छ,

सम्मान माग्दा

माया गुमाइन्छ!

राम्रो होइन

अप्ठ्यारो मानी मानी

लाज नमानी नमानी

दिमाग चलाउनु राम्रो होइन

मुख चलाउनु राम्रो होइन

हात चलाउनु राम्रो होइन

(अ)समानता

ठडिन त सबैलाई मन होला

कोही किला जस्तो ठडिन्छन्

कोही भने किल्ला जस्तो

मलाई‌ भने

नबिझ्ने काँडा

र नबिझाउने कविता

उस्तै उस्तै लाग्छन् !

Indifference

Call Narcissus your hero,

Worship him as a martyr,

Claim yourself fully sane,

Who would give a damn!

आश्था

तोडेको आस अनि छोडेको श्वास

सम्झेर पछि के लाग्नु र,

वचनमा राख्नु आश्था

प्रवचनले मात्र के जाग्नु र !

अडान

तिम्रा भक्तजनलाई

कोटी कोटी नमन छ

तर मेरो सहयोद्धा

मै छान्छु भगवान!

सपना

कहिलेकाँही त म आफैंसँग दंग पर्छु

खोसेलाको पिरामा बसी समुद्र तर्छु

पत्याइ हाल्नु भयो हतारमा महोदय?

म विपना होइन सपनाको कुरा गर्छु। 

स्वाभाविकता

तिमीले गुफाभित्रबाट

चाहना गर्दैगर्दा आकाशको 

कोही शिखरको टुप्पोमा 

खेल्दै हुन्छ बादलसँग 

तिमीले खण्डहरमा उभिएर

प्यास मेट्दै गर्दा थोपाले

कोही विशाल नदीभित्र 

लगाउँदै हुन्छ गोता 

तिमीले फेदमा बसेर

कुर्दै गर्दा हावाको झोंक्का

कोही हाँगामा बसेर

टिप्दै हुन्छ पाकेको फल

 

यस्तो भइ नै रहन्छ साथी

चाहना नैसर्गिक पनि हो

तर पूरा गर्न भने 

गर्नै पर्छ परिश्रम 

सत्य यही हो

भन्न चाहेको जे होइन

सुनाउन नखोज्नु मलाई
सुन्न चाहेको जे होइन
भनाउन नखोज्नु मलाई
दिन चाहेको जे होइन
देखाउन नखोज्नु मलाई
लिन चाहेको जे होइन
दिलाउन नखोज्नु मलाई

चिन्न सक्छु म सहजै
घृणा पोतिएको मुस्कान
बुझ्न सक्छु म पलभरमा
कपट घुसेको प्रशंसा

सत्य यही हो महोदय

तिमीलाई धेरै नलागे पनि
खासै थोरै चाहिँ होइन ल
मैले यो धरती देखेको
यही धरतीको माटो टेकेको

Rhetoric of Rhetoric

If you become rhetoric-blind,

You will soon begin to believe,

Frankenstein created Mephistopheles,

Dr Faustus fell into perennial dilemma,

Hamlet sold his soul to a Monster.

अस्वीकार

घटेको कहाँ छ र साथी

वहन‌ क्षमता धर्तीको,

केही काम छैन अहिले नै

मलाई सुधार्ने अर्तीको !

फूल

झोँक चल्दा रोपेथेँ फूल

लाज पचेपछि फक्रेछ,

टिपेर ल्याउँछु भन्दैथेँ

लहरै लहराले पक्रेछ !

If I know

If I know

How you feel

For your family,

Friends and foes;

Will I also know

How you feel for me?

उत्पत्ति

राप उमार्ने मन

पाप कोरल्ने मुटु

श्राप ओकल्ने मुख

नर्क त्यत्तिकै बन्या हो र

कुम्भिपाक त्यसै चल्या हो र !

वाध्यता

 उज्यालोको अनुयायी

अँध्यारोले चिन्छ

उज्यालोले देख्दैन

बत्ती बालेर बत्ती खोज्नु

वाध्यता हो दुनियाँको

अदृष्य रहन नसक्नेले

कम्तिमा छायाँमा चाहिँ

सिक्नु पर्छ बस्न!

Relations

Some relations

Are made in heaven;

Some make heaven

Out of hell;

Some others

Do the other way round! 

रोग

नौ-नाडी गलेपछि मात्र

भन्ने गर्छ मान्छे

'हे धर्तीका भारहरू हो

आसक्ति ठूलो रोग हो!'

भ्रम

मलाई पहिले लाग्थ्यो

भ्रम एक उपचार हो

तर अहिले लाग्छ

यो आचार हो

विचार हो

प्रचार हो

शरम

कुन क्षणमा

कुन तत्व परेछ कुन्नि

मैले खाएको खानामा

पिएको पानीमा

फेरेको श्वासमा

हेरेको दृष्यमा

सुनेको ध्वनिमा

सुँँघेको गन्धमा

हिंडेको बाटोमा

बसेको माटोमा

सुतेको ओछ्यानमा ...

हिजोआज मलाई

शरम लाग्नै छोडिसक्यो!

कसरी

झुटो बोल्नु त पाप हो, ठूले

झुटले टालेको मन

भ्रमले जोगाउने खुसी

सत्यले च्यातिने सम्बन्ध 

कसरी सम्हाल्छस्, बाबै!

हिलो पानी

हिलो पानीमा माछा मार्नु परेपछि

कति गज्जब हुन्थ्यो होला हगि

भित्रै सफा भएर निस्किने

व्यवस्था मिलाउन पाए?

Manual

Are you the next cook?

Start littering the kitchen;

Create as many ravages,

As visible to prove relevance!

Invitation

Be ready to scale the world;

The toughest of the cliffs,

Fiercest of the gorges,

Darkest of the trenches,

Shall someday invite you

To party with them!

नजर

अहिले म आफ्ना नजरले

आफूलाई मात्र हेर्दैछु,

अरूका नजरले पनि

आफैँलाई नै हेर्दैछु,

अलिकति धैर्य गरिदेऊ प्रिय,

अघाउँजी आफूलाई हेरेपछि

आफ्ना र अरूका नजरले,

अरूलाई र तिमीलाई पनि

आफ्नो दुनियाँ हेर्न दिनेछु !